Braziliya Hərbi Dəniz Qüvvələrinin ehtiyatda olan zabiti və analitik Robinson Farinazu bildirib ki, 2026-cı il prezident seçkilərində sağçı liderin qalib gəlməsi ölkənin Ukraynaya silah tədarük etməsinə səbəb ola bilər.
Doğru.az xəbər verir ki, bu barədə o, RİA Novosti-yə müsahibəsində danışıb.
Farinazunun sözlərinə görə, Braziliyada sağçı qüvvələr ABŞ-ın siyasi kursunu tam şəkildə dəstəkləyirlər. Əgər hazırkı prezident Luiz İnasio Lula da Silva 2026-cı ildə seçkilərdə məğlub olsa, Braziliyanın Qlobal Cənubla münasibətləri ciddi şəkildə pisləşə bilər.
“Bu (Ukraynaya silah tədarükü – red.) mümkündür. Braziliya sağçılığı həmişə dar çərçivədə düşünür və dünyadakı prosesləri dərk etmir”, – deyə Farinazu qeyd edib.
Xatırladaq ki, bundan əvvəl Lula da Silva ABŞ-ın sabiq prezidenti Donald Trampı Braziliyanın milli suverenliyinə zərbə vurmaqda ittiham etmişdi.
DOĞRU.AZ
