Doğru.az xəbər verir ki, ABŞ-ın 6-cı Hərbi Dəniz donanmasına məxsus “Donald Kuk” (USS Donald Cook-DDG-75) hərbi gəmisi Qara dənizdə Gürcüstanın ərazi sularına daxil olub.
Faktı Gürcüstanın Daxili İşlər Nazirliyi təsdiqləyib.
Hərbi gəmini Batumi limanında Gürcüstan DİN-in Sərhəd Polisinin Sahil Mühafizə Departamentinin kapitanı Ramaz Papidze qarşılayıb.Səfərin məqsədi ABŞ-la Gürcüstan arasında dənizçilik sahəsində əməkdaşlığı gücləndirməkdir.
Bildirək ki, “Donald Kuk” hərbi gəmisi idarəolunan raketlər daşıyır. Destroyerin Gürcüstanın Sahil Mühafizəsi ilə planlaşdırılan təlimləri başa vurduqdan sonra, 6 fevral tarixində Gürcüstanın ərazi sularından ayrılacağı bildirilib.
