Rusiyanın Vaşinqtondakı səfiri Anatoli Antonov bildirib ki, iyulun 17-nə keçən gecə Ukraynanın Krım körpüsünə vurduğu zərbə terror aktı kimi qiymətləndirilə bilər, lakin ABŞ Kiyevin hərəkətləri ilə bağlı heç bir qiymət bildirmir.
Bu barədə TASS yazır.
Diplomat Amerikanın CNN telekanalının bu hücumun videosunu dərc etməsindən narazılığını bildirib.
Antonovun Rusiya diplomatik missiyasının teleqram kanalında dərc olunmuş bəyanatında qeyd olunur ki, kanal Ukrayna tərəfinin hərəkətləri ilə bağlı öz fikrini bildirməyib.
Səfir həmçinin xatırladıb ki, jurnalistlər tez-tez qaynar nöqtələrdən reportaj hazırlayarkən sadə insanların əziyyətinə rəğbət və narahatlıqlarını nümayiş etdirirlər. O qeyd edib ki, Krım körpüsü uzun müddətdir ki, Rusiya Silahlı Qüvvələrinin ehtiyacları üçün istifadə edilmir və ona endirilən zərbə birbaşa terror aktıdır, nəticədə bir ailə ölüb, uşaq isə yetim qalıb.
Mənbə: TASS
