Almaniyada ukraynalı qaçqınların məskunlaşdığı hosteldə yanğın baş verib. Yanğın nəticəsində bir uşaq ölüb.
Bu barədə Klimenko Time Telegram kanalı regional Daxili İşlər Nazirliyinin rəhbəri Georq Mayerə istinadən yazıb.
“Yanğının səbəbini öyrənmək üçün əlimdən gələni edəcəyəm. Tam aydınlıq olmalıdır”, – deyə şöbənin nümayəndəsi bildirib.
Yanğının Türingiyanın Apolda şəhərində baş verdiyi bildirilir.
Deutsche Welle yazır ki, 9 yaşlı uşaq ölüb. Yerli polis həmçinin əlavə edib ki, daha 10 nəfər yaralanıb və xəstəxanaya aparılıb.
Yanğın səhər saat 5 radələrində binanın yaşayış yerlərindən birində başlayıb. Yanğının səbəbi məlum deyil. Həmin vaxt yataqxanada 250-yə yaxın insan olub, onlar təxliyə edilərək yaxınlıqdakı Hermsdorf şəhərindəki başqa mərkəzə köçürülüblər.
Mənbə: lenta.ru
