Lomas de Zamora şəhərində etirazçılar Argentina Prezidenti Xavyer Maylinin kortejinə daş atıblar.
Doğru.az xəbər verir ki, TN telekanalının məlumatına görə, iğtişaşlar səbəbindən Mayli təcili olaraq seçki tədbirini dayandırmalı olub.
Prezidentin sözçüsü Manuel Adorni bildirib ki, hadisə nəticəsində heç kim xəsarət almayıb və o, insidentdə keçmiş prezident Kristina Fernandez de Kirşnerin tərəfdarlarını da günahlandırıb.
Bundan əvvəl Buenos-Ayresdə Faro Fondunun tədbirində Mayli qeyd etmişdi ki, bundan sonra ictimai çıxışlarda rəqiblərinə qarşı təhqirlərdən istifadə etməyəcək.
DOĞRU.AZ
