“Azercell”in ötən il kredit üçün xidmət haqqının artırılması ilə bağlı qəbul etdiyi qərar bu gündən, yəni yanvarın 13-dən qüvvəyə minib.
Doğru.az xəbər verir ki, yeni tariflərə əsasən:
1 manatlıq simkredit üçün xidmət haqqı 0,30 manat (əvvəl 0,20 manat),
2 manatlıq simkredit və simtaksit üçün 0,60 manat (əvvəl 0,40 manat),
3 manatlıq simkredit üçün isə 0,90 manat (əvvəl 0,60 manat) olacaq.
Eyni zamanda “Simkredit”, “Simtaksit”, “Ekstra kredit” və “İnternet kredit” xidmətləri çərçivəsində göndərilən hər sorğuya 0,12 manat xidmət haqqı tətbiq ediləcək. İndiyədək bu xidmət üçün göndərilən hər SMS 0,08 manat təşkil edirdi.
İqtisadiyyat.az məlumat verir ki, dəyişikliklər xidmət istifadəçilərinə təsir göstərəcək.
DOĞRU.AZ
