Böyük Britaniya Müdafiə Nazirliyi səhvən Mali domenlərinə məxfi məlumatların olduğu e-poçt göndərib.
Bu barədə BBC yazır.
Nəşr dəqiqləşdirib ki, bu fakt üzrə hərbi idarə Bamako ilə Moskva arasında əlaqələrin möhkəmlənməsini nəzərə alaraq daxili auditə başlayıb.
Məqalədə qeyd olunub ki, Böyük Britaniyanın hərbi idarəsi Pentaqondakı həmkarları ilə əlaqə saxlayır. Lakin Malinin ölkə identifikatoru olan .ml domenini və ABŞ müdafiə strukturlarının yazışmalarında istifadə olunan – .mil domenini göstərən poçtla çaşqınlıq yaranıb.
Jurnalistlərin fikrincə, bu məktubların əksəriyyətində Böyük Britaniyanın təhlükəsizliyinə təhlükə yarada biləcək məlumatlar yoxdur. Malidə təsadüfən hərbçilərin və hüquq-mühafizə orqanlarının əməkdaşlarının bayram günləri ilə bağlı məlumat göndərilib. Lakin yazışmaların bəzilərində hipersəs silahları ilə bağlı Britaniya tədqiqatlarının ətraflı təsviri var idi.
Mənbə: BBC
