Bryanskda Ukrayna pilotsuz təyyarələrinin hücumu nəticəsində iki mülki şəxs yaralanıb.
Bu barədə regionun qubernatoru Aleksandr Boqomaz məlumat verib.
“Zərərçəkənlərdən birinə yerindəcə tibbi yardım göstərilib və xəstəxanaya yerləşdirmə tələb olunmayıb. İkinci qurban xəstəxanaya aparılıb və ona bütün lazımi tibbi yardım göstərilib”, o , Telegram kanalında yazıb.
İlkin məlumata görə, iki yaşayış binasının fasadları və pəncərələri qismən zədələnib. Bundan başqa, hücum nəticəsində bir neçə avtomobilə də ziyan dəyib.
Qubernatorun sözlərinə görə, zərərçəkənlərə bütün lazımi dəstək və maddi yardım göstəriləcək.
DOĞRU.AZ
