Yanvarın 19-da ölkə ərazisində qeydə alınan cinayət hadisələri ilə bağlı polis əməkdaşları tərəfindən əməliyyat-axtarış tədbirləri həyata keçirilib. Doğru.az xəbər verir ki, Daxili İşlər Nazirliyinin Mətbuat Xidmətindən bildirilib ki, gün ərzində qeydə alınan 37 cinayətin, eləcə də əvvəlki dövrlərdən bağlı qalan 1 cinayətin açılması təmin olunub. Axtarış tədbirləri nəticəsində ümumilikdə 110 nəfər saxlanılıb. Onlardan 89-u borclu şəxs qismində axtarışda olan şəxslər olub və aidiyyəti üzrə təhvil verilib. Həmçinin narkotiklərlə əlaqəli 12 fakt aşkarlanıb, qanunsuz saxlanılan silah-sursatın götürülməsi ilə bağlı 21 fakt müəyyən edilib. Cinayət törətməkdə şübhəli bilinən 28 nəfər polis tərəfindən saxlanılaraq istintaqa cəlb olunub.