“Grand Service Express” şirkətinin baş direktoru Aleksandr Qanov TASS agentliyinə müsahibəsində bildirib ki, Krım yarımadası istiqamətində sərnişinlərin daşınması üçün təhlükəsizlik tədbirləri maksimum dərəcədə gücləndirilib.
Onun sözlərinə görə, şirkətin və dəmir yolu ilə bağlı hər kəsin prioriteti daşımaların təhlükəsizliyidir. Qanov qeyd edib ki, Krım dəmir yolu və Krım hakimiyyət orqanları səviyyəsində əlaqələndirmə qərargahı yaradılıb. O əlavə edib ki, artıq bütün qarşılıqlı fəaliyyət mexanizmləri işlənib.
“Bütün təhlükəsizlik tədbirləri maksimum dərəcədə gücləndirilib”, – Qanov bildirib.
Mənbə: TASS
