İsveçrənin Davos şəhərində Dünya İqtisadi Forumunun keçirildiyi Turmhotel Viktoria otelinin yaxınlığında yanğın qeydə alınıb.
Doğru.az xəbər verir ki, şahidlərin sözlərinə görə, hadisə yerinə altı yanğınsöndürən maşın, eləcə də çoxsaylı polis əməkdaşları cəlb olunub. Məlumata əsasən, otelin yaxınlığında yerləşən taxta daxma — kiçik bir şale alovlanıb.
Yanğın qısa müddətdə nəzarət altına alınıb. Hadisə nəticəsində xəsarət alan və ya ölən olmadığı bildirilir.
Qeyd edək ki, bundan əvvəl Yeni il gecəsi İsveçrənin Krans-Montana şəhərində yerləşən “Le Constellation” barında baş verən yanğın faciə ilə nəticələnmişdi. Həmin hadisə zamanı 40 nəfər həlak olmuş, 119 nəfər isə müxtəlif dərəcəli xəsarətlər almışdı.
DOĞRU.AZ
