Türkiyə prezidenti Rəcəb Tayyib Ərdoğan Ukrayna münaqişəsinin həllində vasitəçilikdən imtina etmək niyyətində olmadığını bildirib. O, Ukraynadakı vəziyyətlə bağlı Rusiya prezidenti Vladimir Putin, Ukrayna lideri Vladimir Zelenski və Avropa dövlətlərinin rəhbərləri ilə müntəzəm əlaqə saxladığını qeyd edib.
Doğru.az xəbər verir ki, Ərdoğanın sözlərinə görə, aparılan danışıqlar münaqişənin həll prosesini sürətləndirir:
“Əslində, bu, ən düzgün yanaşmadır. Biz bundan imtina etmək fikrində deyilik. Biz bu prosesi davam etdirmək üçün addımlar atırıq və atacağıq”, – deyə o bildirib.
Ərdoğan həmçinin vurğulayıb ki, Putinlə Ukraynadakı münaqişəyə son qoymaq üçün atıla biləcək addımları müzakirə edib. Daha əvvəl isə Ukrayna prezidenti Vladimir Zelenski ilə telefon danışığında Rusiya ilə dialoqun davam etdirilməsinin vacibliyini qeyd etmişdi.
Xatırladaq ki, Rusiya prezidenti Vladimir Putin də Türkiyənin Ukrayna münaqişəsinin həllində xüsusi rol oynamağa davam edəcəyinə əminliyini ifadə edib.
DOĞRU.AZ
