Finlandiya Rusiyanın bu ölkə ilə sərhəddə hərbçilərinin sayını artırmaq planlarından narahat deyil.
Bunu Finlandiyanın xarici işlər naziri Elina Valtonen “Financial Times” qəzetinə müsahibəsində deyib.
“Əslində bununla bağlı heç bir narahatlığımız yoxdur. Bu, olduqca gözləniləndir”, – deyə Valtonen Rusiya Müdafiə Nazirliyinin rəhbəri Sergey Şoyqunun Finlandiya NATO-ya daxil olduqdan sonra sərhədlərdə qoşunların sayını artırmaq planları ilə bağlı bəyanatını şərh edərkən bildirib.
Onun sözlərinə görə, Ukraynadakı hərbi əməliyyatlar səbəbindən Finlandiya sərhədi rus əsgərləri üçün “kifayət qədər boş”dur. Finlandiya Xarici İşlər Nazirliyinin rəhbəri iddia edir ki, bu yaxınlarda Rusiya Federasiyası öz qoşunlarını çıxarıb və əgər onun ölkəsi təhlükə törətsəydi, bu, baş verməzdi.
Mənbə: A Haber
