Gürcüstanın “Georgian Airways” aviaşirkəti Gürcüstan prezidenti Salome Zurabişvilini şirkətin xidmətlərindən imtina etdiyi və ona boykot elan etdiyi üçün onu təyyarələrinə buraxmayacaq.
Bu barədə TASS aviadaşıyıcının bəyanatına istinadən xəbər verir.
“Xanım Salome milli aviaşirkəti boykot etdiyini elan etdi. O, gürcü xalqından üzr istəməyincə onu persona non-qrata elan edirik, onu təyyarəyə buraxmayacağıq”, – aviaşirkətin açıqlamasında bildirilir.
Bundan əvvəl Gürcüstan prezidenti Zurabişvili “Georgian Airways”i boykot etdiyini açıqlamışdı.
Mənbə: TASS
