Rusiya məhkəməsi Gürcüstan vətəndaşı Aleko Xetsurianini muzdluluq və Ukrayna Silahlı Qüvvələrinin tərəfində hərbi münaqişədə iştirak etdiyinə görə qiyabi olaraq 14 il müddətinə azadlıqdan məhrum edib. Bu barədə Rusiya İstintaq Komitəsi məlumat yayıb.
Məhkəmənin müəyyən etdiyi kimi, 2022-ci il fevralın 24-də Xetsuriani Kiyevdəki Gürcüstan Milli Legionuna qoşulub. O, DXR-də Rusiya Silahlı Qüvvələrinin hərbi qulluqçularına qarşı döyüşlərdə iştirak edib.
“Məhkəmə onu 14 il müddətinə azadlıqdan məhrum edib. O, beynəlxalq axtarışa verilib”, – məlumatda deyilir.
Bundan əvvəl RT İstintaq Komitəsinin Gürcüstandan olan muzdluya qarşı Kursk vilayətinə hücumda iştirak etdiyinə görə iş açdığını bildirmişdi.
Mənbə RT rusca
