Türkiyə milli müdafiə naziri Hulusi Akar Azərbaycana gəlib.
Bu barədə Türkiyə Milli Müdafiə Nazirliyinin “Twitter” hesabında məlumat verilib.
Qeyd edilir ki, H.Akar Heydər Əliyev adına Beynəlxalq Hava Limanındakı qarşılanmadan sonra Azərbaycan Müdafiə Nazirliyinə gəlib.
Azərbaycan müdafiə naziri Zakir Həsənov tərəfindən Hulusi Akar üçün hərbi qarşılanma mərasimi təşkil edilib.
Akarı Türkiyə Baş Qərargah rəisi, generalı Yaşar Gülər, Quru Qoşunları komandanı, general Musa Avsever, Hərbi Dəniz Qüvvələri komandanı admiral Ərcüment Tatlıoğlu və Hərbi Hava Qüvvələri komandanı general Atilla Gülan müşayiət edir.
