İsrailin baş naziri Benyamin Netanyahunun ofisi bildirib ki, Rusiya və İsrail vətəndaşı Elizaveta Tsurkova sentyabrın 10-da axşam saatlarında Kipr vasitəsilə İsrailə gəlib.
Doğru.az xəbər verir ki, Mossad rəhbəri Kiprli həmkarına Tsurkovanın humanitar daşınmasında göstərilən yardıma görə təşəkkür edib.
Rəsmi açıqlamada qeyd olunub ki, bu hadisə iki ölkə arasında əməkdaşlığın effektivliyini bir daha təsdiqləyir.
Xatırladaq ki, ABŞ prezidenti Donald Tramp daha əvvəl Tsurkovanın İraqda Kataib Hizbullah qruplaşmasının əsirliyindən azad edildiyini açıqlamışdı.
Qeyd edək ki, “Mash” məlumatına görə, rus əsilli qadın iki il əvvəl İraq milisləri tərəfindən qaçırılmışdı və indi sağ-salamat tapılıb.
DOĞRU.AZ
