Seysmoloqlar Kamçatkanın şərq sahilləri yaxınlığında 5,1 bal gücündə zəlzələ qeydə alıblar.
Doğru.az xəbər verir ki, məlumatı Rusiya Elmlər Akademiyasının Vahid Geofizika Xidmətinin Federal Tədqiqat Mərkəzinin Kamçatka bölməsi yayıb. Yeraltı təkanlar UTC vaxtı ilə 02:56-da (Moskva vaxtı ilə 05:56) Petropavlovsk-Kamçatskidən 155 km aralıda baş verib. Zəlzələnin ocağı 17 km dərinlikdə yerləşib.
Xatırladaq ki, bundan əvvəl ABŞ Geoloji Xidməti Dreyk keçidində 7,5 bal gücündə zəlzələ olduğunu açıqlamışdı.
DOĞRU.AZ