TikTok-un ana şirkəti ByteDance-in keçmiş əməkdaşı Çin Kommunist Partiyasının (ÇKP) firmanın ABŞ-da saxlanılan məlumatlarına çıxışı olduğunu açıqlayıb.
Bu barədə “New York Times” qəzeti keçmiş işçinin şirkətə qarşı qaldırdığı iddiaya istinadən xəbər verir.
ByteDance-in mühəndislik şöbəsinin keçmiş rəhbəri Yu Yingtao, təşkilatın əqli mülkiyyəti oğurlamaq üçün “qlobal sxemindən” narahat olduğu üçün işdən çıxarıldığını iddia edir. Onun sözlərinə görə, ByteDance-in Pekin ofislərində ÇKP-nin Komitə adlı xüsusi bölməsi var idi. Bu bölmə şirkətin kommunist dəyərlərini necə təbliğ etdiyinə nəzarət edirdi. Komitənin ərizələrə xitam vermək imkanı da var idi.
İndi o, təşkilatdan təzminat, həmçinin onun 220 min səhmini tələb edir.
Qəzet iddiadan sitat gətirir: “Komitənin bütün şirkət məlumatlarına, hətta ABŞ-da saxlanılan məlumatlara mərkəzləşdirilmiş girişi var idi”.
Mənbə: Lenta.ru
Doğru.az
