07 sentyabr 2022-ci ildə Lerik Rayon İcra Hakimiyyətinin təşkilatçılığı ilə Lerik Rayon Mədəniyyət Mərkəzində Azərbaycan Yazıçılar Birliyinin üzvü, yazıçı Qəni Camalzadə ilə rayon ictimaiyyətinin və ziyalıların görüşü keçirilib.
Yazıçının kitablarından ibarət sərgi ilə tanışlıqdan sonra tədbir iştirakçılarına yazıçı Qəni Camalzadənin həyat və yaradıcılığı haqqında söhbət edilib, əsərləri haqqında geniş məlumat verilib.
Tədbirdə Lerik Rayon İcra Hakimiyyətinin başçısı Əkbər Abbasov çıxış edərək qonaqları və tədbir iştirakçılarını salamlayıb, Qəni Camalzadənin əlamətdar gün münasibəti ilə təbrik edərək, gələcək yaradıcılıq işlərində ona uğurlar arzulayıb və xatirə hədiyyəsi təqdim edib.
Çıxış edən qonaqlar da Qəni Camalzadənin yaradıcılığını yüksək qiymətləndirib və ona yaradıcılığında uğurlar arzu ediblər.
Görüşün sonunda Qəni Camalzadə
çıxış edərək oxucularla təşkil edilən görüşə və xoş fikirlərə görə rayon rəhbərliyinə təşəkürünü bildirib.