Myanmada baş verən zəlzələ nəticəsində ölənlərin sayı 1600-ü keçib, 3400-dən çox yaralı var.
Bu məlumatı Sinxua agentliyi Myanma Dövlət Administrasiyası Şurasına istinadən yayıb.
“…Hazırda ölənlərin sayı… 1644 nəfərdir, 3408 nəfər yaralanıb”, – məlumatda deyilir.
Qeyd olunur ki, Myanmanın təbii fəlakətdən zərər çəkmiş bölgələrində olan daha 139 nəfərin taleyi naməlum olaraq qalır.
Daha əvvəl xəbər agentliyi Myanmada baş verən zəlzələ nəticəsində ölənlərin sayının 1002 olduğunu bildirmişdi.
DOĞRU.AZ
