Rusiya Elmlər Akademiyasının Kosmik Tədqiqatlar İnstitutunun məlumatına görə, oktyabrın 1-də iki güclü günəş partlaması baş verib.
Doğru.az xəbər verir ki, Günəş Astronomiya Laboratoriyasının saytında yayılan qrafikə əsasən, hər iki partlama M sinfi güclü təsnifat həddini bir qədər keçib. Birinci partlama Moskva vaxtı ilə səhər saat 5:00 radələrində, ikinci isə saat 20:00 radələrində baş verib.
Qeyd olunur ki, əvvəlki açıqlamasında Rusiya Elmlər Akademiyasının müxbir üzvü və Kosmik Tədqiqatlar İnstitutunun direktoru Anatoli Petrukoviç günəş aktivliyinin artmasının sağlam insanlar üçün təhlükəli olmadığını bildirmişdi.
DOĞRU.AZ
