Macarıstanın baş naziri Viktor Orban bildirib ki, Avropa İttifaqı qitəni “qorumaq” adı altında Ukrayna münaqişəsini süründürür.
O, X sosial media hesabında yazıb : “Brüssel Ukraynanı qitəni qoruyan qalxan kimi təqdim etməklə Avropanı onillik münaqişəyə aparır… Siz yanğına yanacaq qatmaqla yanğını söndürmürsünüz”.
Orban əlavə edib ki, Macarıstan gərginliyi təşviq etmək əvəzinə, atəşkəs və sülh danışıqlarının tərəfdarıdır.
Bundan əvvəl Rusiya Xarici İşlər Nazirliyi rəhbərinin müavini Sergey Ryabkov bəyan etmişdi ki, bəzi aparıcı Avropa ölkələri Ukraynada sülhün bərqərar olması üçün əsas maneəyə çevrilirlər.
DOĞRU.AZ
