Yaponiyada yağan güclü yağışlardan sonra Toyota Motor avtomobil istehsalçısı Kyuşu adasında yerləşən üç zavodun işini dayandırıb.
Bu barədə şirkətin açıqlamasında bildirilir.
Kanda, Kokura və Mayata zavodları bazar ertəsi boş qalacaq, lakin onlar çərşənbə axşamı işlərini bərpa etməlidirlər. Həmçinin Kyuşu adasında Daihatsu avtomobillərinin istehsalı dayandırılıb.
Yaponiyanın cənub-qərbində leysan yağışları nəticəsində bir nəfər ölüb, bir nəfər itkin düşüb. Mümkün sürüşmə və çay daşqınları ilə əlaqədar 200 mindən çox insan təhlükəli ərazilərdən təxliyə üçün tövsiyələr alıb. Yaponiya Meteorologiya Xidməti iki prefekturada ən yüksək xəbərdarlıq səviyyəsini elan edib.
Qazaxıstanda sulfat turşusu daşıyan yük maşınının aşdığı da məlum olub. Ərazidə qazıntı işləri planlaşdırılır və ən yaxın bulaqdan su nümunələri götürülüb.
Mənbə: Autotech
