“Qarabağ” bu gün UEFA Çempionlar Liqasında növbəti oyununu keçirib.
Doğru.az xəbər verir ki, Ağdam klubu Liqa mərhələsinin 7-ci turunda Almaniya təmsilçisi “Ayntraxt”ı qəbul edib. Görüş Bakıdakı Tofiq Bəhramov adına Respublika Stadionunda baş tutub və İsveçrəli hakim Sandro Şerer tərəfindən idarə olunub.
Matçın 4-cü dəqiqəsində Kamilo Duran hesabı açsa da, 11-ci dəqiqədə “Ayntraxt” bərabərlik qolunu vurub. 78-ci dəqiqədə Almaniya klubu penalti zərbəsi ilə önə keçsə də, Duran 79-cu dəqiqədə yenidən tarazlığı bərpa edib.
Matçın sonuncu, 90+4-cü dəqiqəsində Bəhlul Mustafazadə qələbə qolunu vuraraq “Qarabağ”ı 3 xalla təmin edib.
Bu, Ağdam klubunun ÇL-də son ev oyunudur. Hazırda komandamız 7 xalla 25-ci pillədədir.
DOĞRU.AZ
