Qazaxıstan Milli Qvardiyası Alma-Ata vilayətinin Talqar şəhərində yeniyetmənin qətlindən və onun valideynlərinin evində baş verən yanğından sonra küçələrdə patrul xidmətinə cəlb edilib.
Bu barədə Kazinform xəbər verir.
Milli Qvardiyanın mətbuat xidməti vurğulayıb ki, tədbirlər şəhərdə təhlükəsizliyin təmin edilməsinə yönəlib.
“Biz vətəndaşlardan baş verən hadisələrə anlayışla yanaşmalarını xahiş edirik”, – Qazaxıstan Milli Qvardiyasının nümayəndələri yerli sakinlərə müraciət edib.
Bundan əvvəl Talqarda kişilərin gəlib mal götürdüyü və pulunu vermədiyi mağaza sahibinin oğlu 16 yaşlı yeniyetmə öldürülüb. Mübahisə nəticəsində oğlan atasının müdafiəsinə qalxıb. Dava baş verib, yeniyetmə ölümcül yaralanıb.
Mənbə Kazinform
