image-2000x150px
image-123
image-ads_atlas
image-335607953_759347592319582_8144491500564589673_nbackend

Qobustan qoruğunda Novruz şənliyi təşkil edilib FOTO

image-728x90px

Bu gün Mədəniyyət Nazirliyinin dəstəyi, Qobustan Milli Tarix-Bədii Qoruğunun təşkilatçılığı ilə Qobustan qoruğunda Novruz şənliyi təşkil edilib.

Əvvəlcə Qobustan Milli Tarix-Bədii Qoruğunun direktoru Vüqar İsayev çıxış edərək xalqımızın milli-mənəvi dəyərlərindən, adət-ənənələrindən söz açıb:

“Hər bir xalqın milli adət-ənənələri olduğu kimi, Novruz bayramı da Azərbaycanın qədim adət-ənənələrini tərənnüm edən bayramlardandır. Qobustan qoruğunda Novruz şənliyinin qeyd olunması artıq ənənə halını alıb. Bizim burada Novruz şənliyini keçirməyimizdə əsas məqsədimiz qoruğumuza gələn ziyarətçilər arasında yerli və əcnəbi qonaqlara Novruz adət-ənənələrini, atributlarını və Azərbaycanın zəngin mətbəxini nümayiş etdirməkdir”.

Hamını Novruz bayramı münasibətilə təbrik edən qoruğun direktoru bayram şənliyini açıq elan edib.

Tədbir meydanında qurulan çadırlarda Azərbaycanın zəngin mətbəxini, xalqımızın etnoqrafiyasını əks etdirən nümunələr və bayram atributları nümayiş olunub. Ozan baba və Bahar qızın gətirdiyi məşəllə dəvətlilərin iştirakı ilə bayram tonqalı yandırılıb.

Aktyorların ifasında səhnəciklər, pəhləvan və kəndirbazların çıxışları, uşaqlar üçün kəndirdartma oyunları, musiqiçilərin təqdimatında konsert proqramı iştirakçılara xoş bayram ovqatı bəxş edib.

Tədbirdə, həmçinin əl işlərindən ibarət sərgi açılıb və satış yarmarkası təşkil olunub.

DOĞRU.AZ

image-16791283824356224818_1000x669

image-nerjbanner

  • whatsapp
  • messenger
  • telegram
  • vkontakte
  • odnoklassniki