Rusiya Silahlı Qüvvələri münaqişə vəziyyətində Finlandiyadakı NATO obyektlərini qanuni hədəf kimi görəcək.
Doğru.az xəbər verir ki, bu barədə TASS-a açıqlamasında “Rusiya Zabitləri” Ümumrusiya Təşkilatının Rəyasət Heyətinin sədri Sergey Lipovoy bildirib.
“Münaqişə olarsa, ilk növbədə onlar (hərbi obyektlər – RT) məhv ediləcək”, – Lipovoy vurğulayıb.
Bundan əvvəl isə Federasiya Şurasının Beynəlxalq Əlaqələr Komitəsi sədrinin birinci müavini Vladimir Cabarov “Moskva danışır” radiostansiyasına müsahibəsində Rusiyanın Finlandiya ilə münasibətləri bərpa etmə imkanından danışmışdı.
DOĞRU.AZ
