Samsung Qərbi Avropa bazarında birinci yeri tutub və iPhone istifadəçilərini cəlb etməklə öz payını artırmağı planlaşdırır.
Bu barədə “9to5mac” portalı “Canalys”in araşdırmasına istinadən məlumat yayıb.
Canalys analitiklərinin fikrincə, Samsung 2023-cü ilin birinci rübündə Qərbi Avropada smartfon bazarının 35%-lik payı ilə Apple-ı keçib. Eyni zamanda, Apple-ın payı 33%, Xiaomi-nin payı isə 15% olub.
Analitiklər onu da qeyd edirlər ki, “Samsung” bazarda öz mövqeyini möhkəmləndirmək niyyətindədir. Bunun üçün Cənubi Koreya şirkəti yeni orta və yüksək səviyyəli smartfonlar buraxaraq Apple-ın strategiyasını kopyalaya bilər ki, bu da Samsung-un gəlirlərini artıracaq.
Mənbə: Autotech