İranın İnqilab Keşikçiləri Korpusu (SEPAH) ölkədə baş verən hadisələrin əsas iştirakçısına çevrilməkdədir. Onun kifayət qədər gücü və motivasiyası var ki, İranı qana boyasın.
Doğru.az Axar.az-a istinadən xəbər verir ki, bu barədə rusiyalı politoloq Qriqori Qolosov açıqlama verib.
O bildirib ki, cümə gününə qədər SEPAH-ın hadisələrdə rolu məhdud idi. Hakimiyyət əsas etibarilə polis və yarımhərbi qüvvələrə arxalanırdı, lakin onlar uğursuzluğa düçar olurlar. Qolosov qeyd edib ki, İran Ali Lideri Xameneinin SEPAH-ın genişmiqyaslı yerləşdirilməsini gecikdirməsinin səbəbləri aydındır: ABŞ-ın mümkün zərbəsi qorxusu və etirazlar yatırıldıqdan sonra SEPAH-ın təsirinin kəskin artması perspektivi.
O əlavə edib ki, SEPAH-ı daxildən məğlub etmək mümkün deyil, lakin ABŞ-ın, xüsusilə Trampın İrana vəd etdiyi zərbələr SEPAH-a ciddi ziyan vura bilər. Rusiyalı politoloq yekun olaraq sual edir: Tramp nə qərar verəcək?
DOĞRU.AZ
