Dövlət tibb müəssisələrində işləmək istəyən həkim və orta tibb işçiləri üçün işə qəbul prosesi tamamilə rəqəmsal formada aparılır.
Namizədlər sehiyye.gov.az, tabib.gov.az və kabinet.e-health.gov.az saytlarında “Karyera” bölməsinə keçid edərək uyğun vakansiyaları seçə və elektron qaydada müraciət edə bilərlər.
TƏBİB-dən Doğru.az-a bildirilib ki, sənədlər sistem tərəfindən avtomatik yoxlanılır. Çatışmazlıq olarsa, 1 iş günü ərzində xəbərdarlıq edilir və düzəliş üçün 5 gün vaxt verilir. Sənədlər qaydasındadırsa, namizəd müsahibəyə çağırılır.
Müsahibədən uğurla keçənlərin nəticəsi şəxsi kabinetə və e-mail ünvanına göndərilir.
DOĞRU.AZ
