“WhatsApp” messencerinin tərtibatçıları QR kodundan istifadə etməklə söhbət tarixçəsini köhnə telefondan yeni telefona köçürməyin yeni və daha sürətli yolunu elan ediblər.
Bu barədə TechCrunch məlumat yayıb.
“Eyni əməliyyat sisteminə malik başqa telefona keçən istifadəçilər yerli Wi-Fi bağlantısından istifadə edərək WhatsApp məlumatlarını ötürə biləcəklər”, – mütəxəssislərdən biri qeyd edib.
Metod smartfonda və ya bulud yaddaşında məlumatların ehtiyat nüsxəsini tələb etmir. Söhbət tarixçəsini ötürmək üçün hər iki cihazın aktiv olduğundan və eyni Wi-Fi şəbəkəsinə qoşulduğundan əmin olun.
Sonra messencer parametrlərinə keçməlisiniz, “Söhbətlər” bölməsini, “Söhbətləri köçürmək” maddəsini seçin. Prosesi başa çatdırmaq üçün yeni smartfonun kamerasından istifadə edərək QR kodunu skan etməli olacaqsınız.
“WhatsApp” əmindir ki, yeni metod üçüncü tərəf həllərindən daha təhlükəsizdir, çünki məlumatlar cihazların özlərində şifrələnir və mübadilə yalnız yerli şəbəkədə onlar arasında aparılır.
Mənbə: Haberler.com
