Türkmənistan Xarici İşlər Nazirliyi ölkənin ən geniş diplomatik vasitələrdən istifadə etməklə Yaxın Şərqdəki mövcud vəziyyətin həllində iştirak etməyə hazır olduğunu bəyan edib.
Bu barədə Türkmənistanın xarici işlər naziri Rəşid Meredov ABŞ dövlət katibinin müavini Kristofer Landau ilə telefon danışığı zamanı məlumat verib.
Türkmənistan Xarici İşlər Nazirliyinin saytında deyilir : “Türkmən tərəfi istənilən beynəlxalq problemin sülh yolu ilə həlli prinsiplərinə ciddi riayət edərək, ən geniş diapazonlu diplomatik vasitə və metodlardan istifadə etməklə Yaxın Şərqdə mövcud vəziyyətin həllində iştirak etməyə hazır olduğunu bildirib .
Kuba prezidenti Migel Diaz-Kanel daha əvvəl ABŞ-ın İranın nüvə obyektlərini bombalamasını qətiyyətlə pislədiyini bildirib.
Kolumbiya prezidenti Qustavo Petro da ABŞ-ın İranın nüvə obyektlərinə hücumunun Yaxın Şərqi alovlandıracağı fikrini bildirib.
DOĞRU.AZ
