Təxminən 700 ABŞ dəniz piyadası iğtişaşlara cavab vermək üçün yaxın saatlarda Los-Ancelesə gələcək.
Bu barədə CTV News ABŞ Şimal Komandanlığının hesabatına istinadən xəbər verir.
“Dəniz piyadaları bazar ertəsi Kaliforniya səhrasındakı Twentynine Palms bazasından yerləşdirməyə hazırlaşır. Qoşunlar gərginliyin azaldılması, izdihamın idarə edilməsi və mövcud döyüş qaydaları üzrə təlim keçiblər və onlar adətən daşıdıqları silahlarla silahlanacaqlar”, – məqalədə deyilir.
Bundan əlavə, dəniz piyadalarından başqa şəhərə 2 mindən çox milli qvardiyaçının da göndərildiyi dəqiqləşdirilib.
ABŞ prezidenti Donald Tramp daha əvvəl demişdi ki, Milli Qvardiyanın yerləşdirilməsinə qərar verməsəydi, Los-Anceles etirazçılar tərəfindən dağıdılacaqdı.
DOĞRU.AZ
