Pentaqonun mətbuat katibinin müavini Sabrina Sinq brifinq zamanı jurnalistlərə bildirib ki, Birləşmiş Ştatlar Abrams tankları orada olana qədər Ukraynaya tükənmiş uran mərmilərini çatdırmağı planlaşdırır.
“Məqsəd mərmilərin orada olmasıdır, xüsusən də tanklar orada olacaq” deyə Sinq bildirib.
Bundan əvvəl Pentaqon Ukraynaya 175 milyon dollar məbləğində yeni hərbi yardım paketinin ayrıldığını açıqlamışdı.Bunun bir hissəsi olaraq Kiyev Abrams tankları üçün tükənmiş uran mərmiləri də alacaq. BMT bu qərardan narahatlığını ifadə edərək, Rusiya BMT Təhlükəsizlik Şurasının iclasını tələb etdi. Ağ Ev israr edir ki, tükənmiş uran mərmiləri “radioaktiv təhlükə yaratmır”. Rusiyanın ABŞ-dakı səfirliyi bildirib ki, Vaşinqton “həm Ukraynanın bu gününə, həm də respublikanın və onun Avropa qonşularının gələcəyinə dərin biganədir”.
Mənbə: Haber Global
