Associated Press-NORC sorğusunun nəticələrinə görə, prezident Co Baydenin rəhbərlik etdiyi ABŞ hökumətinin iqtisadiyyat sahəsindəki hərəkətləri amerikalıların əksəriyyətinin mənfi reaksiyasına səbəb olur.
Araşdırmaya görə, respondentlərin yalnız 36%-i dövlət başçısının iqtisadi siyasətini müsbət qiymətləndirir, respondentlərin 63%-i isə əks mövqedən çıxış edir.
Qeyd edildiyi kimi, Baydenin xarici siyasəti də daha çox mənfi qarşılanır – 56% Ağ Evin bu sahədəki fəaliyyətindən narazıdır. Respondentlərin 42 faizi prezidentin bu istiqamətdə fəaliyyətini müsbət qiymətləndirir.
Mənbə: Haber Global