Ukrayna prezidenti Vladimir Zelenski ölkənin yeni müdafiə naziri Rustem Umerovla birlikdə sentyabrın 21-də Pentaqona səfər etməyi planlaşdırır.
Bu barədə “Politico” qəzeti mənbələrə istinadən məlumat yayıb.
Nəşrin məlumatına görə, səfər zamanı Kiyev nümayəndələri Amerika hərbi departamentinin rəhbəri Lloyd Ostin ilə danışıqlar aparacaqlar. Bundan əlavə, ABŞ Silahlı Qüvvələrinin Baş Qərargah Rəisləri Komitəsinin sədri Mark Millli və ştat ordusunun digər rəhbərləri ilə görüşlər gözlənilir.
“Ukrayna prezidenti Vladimir Zelenski cümə axşamı Pentaqona səfər edəcək və bu, onun keçən il münaqişənin kəskinləşməsindən sonra ABŞ Silahlı Qüvvələrinin Arlinqtondakı qərargahına ilk səfəri olacaq”, – materialda deyilir.
Eyni zamanda, məqalə müəllifləri vurğulayırlar ki, danışıqlar zamanı Umerov xarici həmkarlarını Ukrayna qoşunlarının “gizli planları” ilə tanış etmək niyyətindədir.
Mənbə: Lenta.ru
