image-2000x150px
image-123
image-ads_atlas
image-fb_img_1715513195646backend

Akademik Zərifə Əliyevanın 101 illiyinə həsr olunmuş 13-cü Regional konfrans keçirildi – FOTO

image-728x90px

Azərbaycan Respublikası Səhiyyə Nazirliyi, Akademik Zərifə Əliyeva adına Milli Oftalmologiya Mərkəzi və Azərbaycan Oftalmoloqlar Cəmiyyətinin birgə təşəbbüsü ilə 10 may 2024-cü il tarixində Gəncə şəhərində Akademik Zərifə Əliyevanın 101 illiyinə həsr olunmuş XIII Regional konfrans keçirildi.

Konfransın keçirilməsində məqsəd oftalmologiyada baş verən yenilikləri, oftalmologiyanın aktual məsələlərini müzakirə etmək həmçinin region həkimlərinin bu konfranslarda iştirakını təmin edərək, onların inkişafına dəstək olmaqdan ibarətdir.

Konfransda Bakı, Qobustan, Şəki, Gəncə, Göranboy, Yevlax, Bərdə, Ağstafa, Göyçay və digər rayonlardan mütəxəssis və alimlər iştirak etdi.

Konfransı giriş sözü ilə Azərbaycan Oftalmoloqlar Cəmiyyətinin sədri, Akademik Zərifə Əliyeva adına Milli Oftalmologiya Mərkəzinin direktoru, prof. Elmar Qasımov açıb.

10 may- Ulu Öndər Heydər Əliyevin doğum gününə təsadüf edən konfransda E.Qasımov ilk olaraq Ulu öndərin səhiyyə, xüsusilə oftalmogiya sahəsinə ayırdığı diqqətdən, onun həkimlər haqqında bildirdiyi dəyərli fikirləri bölüşüb: “Həkimləri insnalarla bir çox tellər bağlayır. Həkimin qəlbinin hərarəti ilə isinən, onun peşə ustalığı ilə tamamlanır. Onun şəxsi səmimiyyətini və diqqətini bir-birindən ayırmaq qeyri-mümkündür”.

Daha sonra prof E. Qasımov Azərbaycanın tanınmış oftalmoloq-alimi, akademik Zərifə Əliyevanın oftalmologiya elminin inkişafında müstəsna xidmətlərindən bəsh edib.

Həmçinin E.Qasımov qeyd edib ki, Azərbaycanda oftalmologiya təkcə paytaxt Bakıda deyil, regionlarda da yüksək səviyyədə inkişaf edib.

Konfrans, moderatorlar- t.e.d., Hicran Namazova, t.ü.f.d. Rühəngiz Balayeva, t.ü.f.d Yazgül Abdıyeva, t.ü.f.d. Xalid Əliyev, t.ü.f.d. Lalə Axundova, dos. Qurban İsmayılov, Dr. Emin Əlihüseynli və t.ü.f.d. Qafar Tağıyev tərəfindən həyata keçirildi.

Konfransda t.ü.f.d. Yazgül Abdıyeva, t.ü.f.d. Mirana Mirişova, t.ü.f.d. Rühəngiz Balayeva, dr. Humay Bayramova, dr. Elçin Əsqərov, t.ü.f.d. Xalid Əliyev, dr. Sona İbrahimova, dr. Tərlan Əliyeva, t.ü.f.d. Aişə Şahmalıyeva, dr. Səbinə Quliyeva, dr. Lalə Məmmədova, t.ü.f.d. Qafar Tağıyev, dr. Ramilə Əhmədova, dr. Emin Əlihüseynli, dr. Elsəvər Həmidov, dr. Şəfaqət İmranova, dr. Nuranə Ələkbərova tərəfindən məruzələr dinlənildi.

Azərbaycan Oftalmoloqlar Cəmiyyətinin sədr müavini Yazgül Abdıyeva tərəfindən “Azərbaycan Oftalmolqlar Cəmiyyətinin dünəni və bugünü” mövzusunda çıxış oldu. Çıxış zamanı Y. Abdıyeva Azərbaycan oftalmologiyasına töhfəsini verən qocaman alimlərimizdən, müasir oftalmologiyanın inkişafından və s. bəhs edib.

Konfransda həmçinin “Göz travmaları zamanı korluqla mübarizə”, “Gəncə şəhərində çəpgözlük diaqnozu ilə aparilan müayinə və müşahidələrin nəticələri”, “Mərkəzi serroz xorioretinopatiya”, “Anti- VEGF terapiyası və yaşa bağlı makula degenerasiyasının müalicəsində olan uğursuzluqların səbəbləri”, “AOC Gənc Oftalmoloqlar Komitəsi. Amal, məqsəd və məramlar”, “Göyçay rayonu üzrə konyuktivitin rast gəlmə tezliyi və differensial diaqnostikası”, “Katarakta əməliyyatından sonra quru göz sindromu” mövzularında məruzələr dinlənildi.

DOĞRU.AZ

image-fb_img_1715513198117 image-fb_img_1715513200116 image-fb_img_1715513202082 image-fb_img_1715513204156 image-fb_img_1715513206640 image-fb_img_1715513208864 image-fb_img_1715513211465 image-fb_img_1715513214313 image-fb_img_1715513216847 image-fb_img_1715513219422 image-fb_img_1715513221755 image-fb_img_1715513225880 image-fb_img_1715513229322 image-fb_img_1715513231780 image-fb_img_1715513234479

image-nerjbanner

  • whatsapp
  • messenger
  • telegram
  • vkontakte
  • odnoklassniki