image-2000x150px
image-123
image-ads_atlas
image-17162940895286228373_1200x630backend

ASAN xidmət”də “Yaşıl dağ” aksiyası təşkil olunub – FOTO

image-728x90px

Mayın 21-də Salyan regional “ASAN xidmət” mərkəzində 6-cı “Yaşıl dağ” ekoloji-sosial aksiyası təşkil olunub.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin ictimaiyyətlə əlaqələr şöbəsindən Doğru.az-a verilən məlumata görə, “Yaşıl ASAN” proqramı ilə bağlı “Yaşıl dünya naminə həmrəylik ili” çərçivəsində gerçəkləşən tədbir ASAN könüllülərinin təşəbbüsü, Elm və Təhsil Nazirliyinin, Salyan Rayon İcra Hakimiyyətinin, “Azərsun Holdinq”in və Azərbaycan Kağız və Karton İstehsalı Kombinatının dəstəyi ilə keçirilib.

Məqsəd kağız tullantıların təkrar emalını təşviq etməklə ağacların qorunmasına, təbiətin mühafizəsinə və ekoloji balansın saxlanılmasına dəstək olmaqdır.

Tədbirdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev, Salyan Rayon İcra Hakimiyyətinin başçısı Sevindik Hətəmov, müxtəlif rayonların ictimaiyyət nümayəndələri və digər qonaqlar iştirak ediblər.

Aksiyada 150 tondan çox kağız tullantıdan hazırlanmış “Yaşıl dağ”ın təqdimatı olub. ASAN könüllülərinin və məktəblilərin tullantılardan hazırladığı əl işləri, mədəniyyət guşəsi nümayiş etdirilib, eləcə də müxtəlif musiqi nömrələri də səsləndirilib.

Həmçinin “İdeya müsabiqəsinin” 3 nominasiyası üzrə qaliblər mükafatlandırılıblar və müxtəlif qurumlara təşəkkürnamələr təqdim olunub.

Altıncı “Yaşıl dağ” ekoloji-sosial aksiyasına Azərbaycanın 30-dan çox şəhər və rayonundan vətəndaşlar, məktəblər, idarə və təşkilatlar qoşulublar.

Doqquz ildir fəaliyyətini davam etdirən proqram çərçivəsində 2 min tondan çox kağız tullantısı təkrar emala göndərilib. Bununla 34 mindən çox ağacın kəsilməsinin qarşısı alınıb. Həmçinin 400-dən çox ekoloji istiqamətdə layihə, 100-dən çox təmizlik və ağacəkmə aksiyası keçirilib.

DOĞRU.AZ

image-1716294089510062822_1200x630 image-17162940891853630350_1200x630 image-17162940893543319143_1200x630 image-17162940896270536988_1200x630 image-17162940896519040813_1200x630 image-17162940895867860602_1200x630 image-17162940891968938618_1200x630

image-nerjbanner

  • whatsapp
  • messenger
  • telegram
  • vkontakte
  • odnoklassniki