Cüdo üzrə gənclərdən ibarət Azərbaycan yığması Avropa çempionatında iştirak etmək üçün Slovakiyanın paytaxtı Bratislavaya yola düşüb.
Doğru.az xəbər verir ki, milli komandamızı səfərə aparan təyyarə saat 06:15-də Heydər Əliyev Beynəlxalq Aeroportundan havaya qalxıb.
Ölkəmiz turnirdə 10 çəki dərəcəsində 13 idmançı (9 oğlan, 4 qız) ilə fərdi yarışlarda mübarizə aparacaq. Həmçinin yığma çempionatın son günündə qarışıq komanda yarışında da çıxış edəcək.
Qeyd edək ki, sentyabrın 4-dən 7-dək keçiriləcək qitə birinciliyində 42 ölkədən ümumilikdə 374 idmançı (207 oğlan, 167 qız) mübarizə aparacaq.
DOĞRU.AZ
