Banqladeş BRİKS-ə – beş dövlətdən ibarət dövlətlərarası birliyə qoşulmaq üçün rəsmi ərizə verib: Braziliya, Rusiya, Hindistan, Çin, Cənubi Afrika.
Bu barədə “Dhaka Tribune” yazır.
Banqladeşdən rəsmi açıqlama baş nazir Şeyx Hasina tərəfindən təşkilata göndərilib. Qeyd olunur ki, müraciət Hasinanın ötən həftə Cenevrədə Cənubi Afrika prezidenti Siril Ramafosa ilə görüşündən sonra göndərilib.
Mənbənin sözlərinə görə, müzakirə zamanı Cənubi Afrika prezidenti bu məsələyə müsbət reaksiya verib. Xarici işlər naziri Abdul Momenin sözlərinə görə, sorğu BRİKS-in hazırkı sədri olan Cənubi Afrikaya göndərilib.
“Bəli, biz marağımızı bildirdik və alyansa qoşulmaq üçün müraciət etdik” dedi Banqladeşli nazir.
Mənbə: BBC
