Belarus Prezidenti Aleksandr Lukaşenko bildirib ki, sentyabrın 26-da Rusiya Prezidenti Vladimir Putinlə Belarusda ikinci atom elektrik stansiyasının inşası ilə bağlı qərar veriləcək.
Doğru.az xəbər verir ki, Lukaşenko bu barədə Moskvada keçirilən Qlobal Atom Forumunda çıxışı zamanı danışıb.
“Biz birlikdə atom elektrik stansiyası yaratdıq, ən qabaqcıl layihəni həyata keçirdik. Açığı, mən Vladimir Vladimiroviçlə sabah məsləhətləşəcəyik, Belarus Respublikasında ikinci AES-in tikintisi ilə bağlı müzakirələr aparacağıq və qərar qəbul edəcəyik”, – Lukaşenko deyib.
Xatırladaq ki, daha əvvəl Putin nüvə enerjisinin getdikcə daha çox ölkə üçün inkişafda həyati mənbə kimi dəyərləndirildiyini vurğulamışdı.
DOĞRU.AZ
