image-2000x150px
image-123
image-ads_atlas
image-1624441933hebsbackend

Beynəlxalq axtarışda olan şəxs ölkəmizə ekstradisiya olundu

image-728x90px

Azərbaycan Respublikası Baş Prokurorluğunun vəsatəti əsasında Belarus Respublikası Baş Prokurorluğu tərəfindən “Mülki, ailə və cinayət işləri üzrə hüquqi yardım və hüquqi münasibətlər haqqında” 07.10.2002-ci il tarixli Konvensiyanın tələblərinə uyğun olaraq Azərbaycan vətəndaşı Əlzamin Mustafayevin ekstradisiyası haqqında qərar qəbul olunub.

Bu barədə Baş Prokurorluqdan məlumat verilib.

Məlumata görə, Cəlilabad Rayon Prokurorluğunda ibtidai istintaqı aparılan cinayət işi üzrə Əlzamin Mustafayevin qabaqcadan əlbir olan bir qrup şəxs halında xeyli miqdarda ziyan vurmaqla mənimsəmə cinayətini törətməsinə əsaslı şübhələr müəyyən edildiyindən, barəsində təqsirləndirilən şəxs qismində cəlb etmə haqqında qərar qəbul edilməklə beynəlxalq axtarışa verilib.

Əlzamin Mustafayev Belarus Respublikasının ərazisində saxlanılaraq noyabrın 25-də Ədliyyə Nazirliyinin Penitensiar Xidmətinin xüsusi konvoyunun müşayiəti ilə Azərbaycana gətirilib.

DOĞRU.AZ

image-nerjbanner

  • whatsapp
  • messenger
  • telegram
  • vkontakte
  • odnoklassniki