BRİKS ölkələrinin (Braziliya, Rusiya, Hindistan, Çin, Cənubi Afrika Respublikası) xarici işlər nazirliklərinin rəhbərləri Keyptaunda keçirilən görüşdə Ukraynadakı münaqişənin sülh yolu ilə həllini və taxıl sazişinin bütün tərəflər tərəfindən tam yerinə yetirilməsini dəstəkləyiblər.
Bu barədə TASS məlumat yayıb.
Bəyanatda qeyd olunur ki, görüş zamanı nazirlər Ukrayna ərazisindəki vəziyyətlə bağlı milli mövqelərini xatırladıblar, həmçinin münaqişənin dialoq və diplomatiya yolu ilə sülh yolu ilə həllinə yönəlmiş vasitəçilik təkliflərini bəyənməklə qeyd ediblər.
Brix xarici işlər nazirləri həmçinin “Qara Dəniz Taxıl Təşəbbüsünün tam və effektiv şəkildə həyata keçirilməsinə” çağırıblar”, – bəyanatda deyilir. Onlar taxıl və gübrənin ehtiyacı olanlara çatdırılmasının vacibliyini vurğulayıblar.
