Məişət tullantılarını xüsusi ayrılmış qablardan (zibil qutularından) kənara atan şəxslər inzibati məsuliyyət daşıyırlar.
Doğru.az Milli.Az – a istinadən xəbər verir ki, bu, İnzibati Xətalar Məcəlləsinin 266.3-cü maddəsində nəzərdə tutulub.
Məcəlləyə əsasən, məişət tullantılarını konteynerlərdən kənara atmağa görə fiziki şəxslər 300 manat, vəzifəli şəxslər 1000 manat, hüquqi şəxslər isə 4000 manat cərimə olunur.
Bundan əlavə, belə bir pozuntu bir il ərzində təkrarlanarsa, cərimə artırılır. Fiziki şəxslər üçün cərimə 1000 manat, vəzifəli şəxslər üçün isə 1500 manatdan 2000 manata qədərdir.
Qanuna uyğun olaraq, işin hallarından və cinayətkarın şəxsiyyətindən asılı olaraq, vəzifəli şəxslərə 60 saatdan 100 saata qədər ictimai işlər cəzası da verilə bilər.
Təkrar qayda pozuntusuna yol verən hüquqi şəxslər 5000 manatdan 7000 manata qədər cərimə olunurlar.
DOĞRU.AZ
