Seulda keçirilən paradda 3,7 mindən çox hərbi qulluqçu və 170-dən çox texnika iştirak edib, tədbir 10 ildə ilk dəfə təşkil olunub.
Bu barədə Yonhap xəbər agentliyi məlumat yayıb.
“Bu, 2013-cü ildən bəri ilk belə paraddır və Seulun hərbi potensialını gücləndirdiyi bir vaxtda – Pxenyanın nüvə və digər kütləvi qırğın silahları üçün texnologiyaları inkişaf etdirməyə davam edən cəhdləri fonunda keçirilir”, – agentlik vurğulayır. .
Parad Cənubi Koreya Silahlı Qüvvələri Gününə təsadüf edib. Yürüş zamanı K2 tankları və PUA-lar nümayiş etdirilib.
Paradda Cənubi Koreya prezidenti Yun Seok-yeol, müdafiə naziri Li Çen Seop, eləcə də komandanlığın nümayəndələri iştirak ediblər.
Mənbə: Haber Global
