Çexiyanın keçmiş baş naziri Andrey Babiş mitinq zamanı hücuma məruz qaldıqdan sonra həkimlərin tövsiyəsi ilə iş qrafikini dayandırıb.
Doğru.az xəbər verir ki, bu barədə Babiş X sosial şəbəkəsində məlumat yayıb. O qeyd edib: “Həkimlər mənə istirahət etməyi tövsiyə ediblər. Ona görə də, təəssüf ki, sabahkı proqramımı ləğv etməli olacağam”.
Əvvəlki məlumatlara görə, siyasətçiyə metal əşya ilə zərbələr endirilib. Hüquq-mühafizə orqanlarının nümayəndələri bildiriblər ki, hücum zamanı Babişdən başqa bir qadının da köməyə ehtiyacı olub.
Qeyd edək ki, hadisə barədə daha əvvəl ÇTK xəbər agentliyi məlumat yaymışdı.
DOĞRU.AZ
