Çin NATO-nun “şərqə doğru genişlənməsi” qarşısında “yüksək sayıqlığa” çağırıb. Çin Xarici İşlər Nazirliyinin rəsmi nümayəndəsi Mao Ninq NATO-nun Yaponiyada ofis açmaq niyyətini şərh edərkən bildirib ki, bu cür hərəkətlər regionda sabitliyi pozacaq.
Bu barədə “Reuters” məlumat yayıb.
“NATO-nun Asiya-Sakit Okean regionunda daim şərqə doğru genişlənməsi, regional işlərə müdaxilə, regional sülh və sabitliyi pozmaq cəhdləri, blokların qarşıdurması istəyi region ölkələrindən sayıqlığın artırılmasını tələb edir”, – deyə o, brifinq zamanı bildirib. .
Mao Ning həmçinin qeyd edib ki, Asiya “geosiyasi döyüşlərə səhnə olmamalıdır”.
Doğru.az
