Çin hakimiyyəti Amerikanın “Apple” şirkətinin smartfon və digər qadcetlərinin istifadəçilərindən qısa məsafədə AirDrop və digər fayl paylaşma funksiyalarından istifadə etmək üçün pasport məlumatlarından istifadə etməyi tələb etmək istəyir.
Bu barədə CNN məlumat yayıb.
Qanunvericilik təşəbbüsü layihəsi internetə nəzarət üzrə nüfuzlu dövlət orqanı olan Çin Kiberməkan İdarəsi tərəfindən dərc edilib. Qanun layihəsində deyilir: “İnsanlar bu cür şəbəkələrdə qeyri-qanuni və ya zərərli məlumatlar yerləşdirməməli və paylaşmamalı və pozuntular barədə tənzimləyiciyə məlumat verməlidirlər”.
Planlaşdırılan qanun, həmçinin Apple-dan istifadəçilərdən iPhone-larda əsl adlarını qoymağı tələb edəcək. Qanun layihəsində bunu belə ifadə edirdi ki, “qısa məsafələrdə məlumat mübadiləsi üçün şəbəkələr yaradan və ya onlara xidmət göstərən şəxslər istifadəçilərdən öz həqiqi adlarını və digər şəxsi məlumatlarını tələb etməlidirlər”.
Texniki cəhətdən Apple oxşar strukturu həyata keçirə bilir, CNN yazır. Kupertinoda yerləşən şirkət Çin üçün xüsusi olaraq bir sistem yarada bilər ki, bu sistem çinli iPhone sahiblərindən iPhone-da əsl ad təyin etmək üçün şəxsiyyət vəsiqələrini skan etmələrini tələb edir.
Mənbə: Haber Global
