Çinin cənubundakı Quanqdonq əyalətinin Maominq şəhərinin səlahiyyətliləri güclü daşqın zamanı fermadan qaçan timsahları tutmağa çalışır.
Bu barədə dövlətə məxsus “Dazhong Daily” məlumat yayıb.
Şəhərə yağan güclü yağışdan sonra timsahların yetişdirildiyi ferma su altında qalıb və sürünənlər sərbəst buraxılıb. Təsərrüfat sahibləri 69 böyük və 6 bala itkin düşüblər.
Hadisə şahidləri su basmış yolda timsahları görüblər və məlumatı fövqəladə hallar xidmətlərinə ötürüblər; yanğınsöndürənlər və xilasedicilər sürünənlərin axtarışı üçün səfərbər edilib; bir neçə qrup motorlu qayıqlarla ərazidə patrul edir.
Mənbə: Haberler.com
